வரலாற்றுச் செய்திகள்

மதுரையைச் சுற்றி எண்பெருங்குன்றங்களில் சமணர் வாழ்ந்தனர். அதில் யாணைமலையும் ஒன்று. இங்கு சமணர்கள் வாழ்ந்தார்கள் என்பதை,

• ஆணை மாமலை ஆதியாய இடங்களில் பல
• அல்லல் சேர் ஈனர்களுக்கு எளியேன் அல்லன்

என்று சம்பந்தர் தன் மதுரைப்பதிப்பகத்தில் குறிப்பது கொண்டும் உணரலாம்.

இம்மலையின் வடமேற்குத் திசையில் ஒரு பகுதியில் சமணத்தீர்த்தங்கரர்களின் உருவங்கள் செதுக்கப்பட்டுள்ளன. இவை அர்த்த பரியங்காசனத்தில் அமர்ந்து தியானக் கோலத்தில் வீற்றிருக்கின்றன. இவை கி.பி 9-10 ஆம் நூற்றாண்டைச் சார்ந்த முந்தைய பாண்டியர் கால சமணச்சிற்பங்களுக்குச் சான்றாகத் திகழ்பவை.இவற்றின் கீழ் வட்டெழுத்துக் கல்வெட்டுகள் உள்ளன. ஒன்றில் அச்சணந்தி செய்வித்த திருமேனி என்னும் குறிப்பு உள்ளது.